SACRIFICE VALLEY

Ang Bagong Jerusalem

Pagkatapos nito, nakita ko ang isang bagong langit at isang bagong lupa. Wala na ang dating langit at lupa, wala na rin ang dagat. At nakita ko ang Banal na Lunsod, ang Bagong Jerusalem, bumababang galing sa Iangit buhat sa Diyos, gaya ng babaing ikakasal, gayak na gayak sa pagsalubong sa lalaking mapapangasawa Niya. Narinig ko ang isang malakas na tinig mula sa Trono na nagsabi: "ngayon ang Tahanan ng Diyos ay nasa piling na ng mga tao! Mananahan Siyang kasama nila at sila'y magiging bayan Niya. Makakapiling nila ng palagian ang Diyos at Siya ang magiging Diyos nila". (Pahayag 21:1-3)

Ang Sacrifice Valley ay nasa pagitan ng bulubundukin ng Hermosa at Dinalupihan, Bataan. Ito ay isa sa dalawampu't isang barangay ng Hermosa at tinitingalang isang modelong lugar. Ito ay idinek!arang "Pilgrimage Capital of Bataan" noong ika-30 ng Hulyo taong 2002. Unang nakilala ang lugar na ito bilang Sacrifice Valley Kilusang Katoliko, isang samahan na may layuning ibalik ang tao sa Diyos. Ito ay itinatag ng MAHAL NA INGKONG sa pamamagitan ng Banal na Luklukan, Santa Maria Virginia P. Leonzon. Narehistro ang samahang ito sa Securities and Exchange Commission bilang "First International Sacrifice Valley Kilusang Katoliko, Inc. (FISVKK, Inc.)" hanggang sa itatag ng MAHAL NA INGKONG ang simbahan mula sa samahang ito sa pamumuno ng Kanyang Kabanalan, Dr. +John Florentine L. Teruel, P.P., Patriyarka ng APOSTOLIC CATHOLIC CHURCH (ACC).

Sino ang Mahal na Ingkong?

Tayo ay nananampalataya na may iisang Diyos sa Tatlong Persona, iisang Diyos subalit may tatlong kaganapan. Gumanap ang Diyos bilang Ama na Siyang Lumikha ng lahat ng nilalang sa langit at sa lupa at sa lahat ng bagay. Nagpatawag Siyang YAHWEH sa salitang Hebreo o JEHOVAH sa salitang Griyego na may kahulugang "AKO AY AKO NGA". Nilikha Niya ang mga anghel at mga banal at ang langit na tahanan nila na magiging tahanan din naman ng mga taong umiibig at karapat-dapat sa Kanya na nilikha Niya dito sa lupa upang siyang magpalaganap ng Kanyang pag-ibig at magsakatuparan ng Kanyang Plano. Subalit nagkasala ang tao at lumihis sa Kanyang Kalooban. Nawala sa grasya ng Diyos ang tao. Ninanais pa rin ng Diyos na ibalik ang tao sa Kanya at ipinahayag Niya ang Kanyang piano ng pagliligtas sa tao at Ito ay sa pamamagitan ng pagkakatawang-tao ng ikalawang Persona ng Diyos na tinawag na Kristo, isang salitang Griyego na ang kahuluga'y Manunubos na Siyang magpapasan ng lahat ng kasalanan ng tao. Siya'y isinilang ng Kalinis-linisang Birheng Maria, ang Ina ng Diyos. Ito ang ikalawang kaganapan ng Diyos. ipinahayag ng ating Panginoong Jesukristo na Siya at ang Ama ay iisa. (Ex 3:14). At sinabi rin Niya, bago pa naging tao si Abraham "AKO'Y AKO NGA". (Jn 8:58). Siya ay nagpakasakit, ipinako sa krus, namatay ng dahil sa pag-ibig sa sangkatauhan ngunit muting nabuhay at umakyat sa langit sa Kanyang Kaluwalhatian. Sa kanyang paglisan, ipinangako Niya sa Kanyang mga alagad na hihilingin niya sa AMA na ipadala ang ESPIRITU SANTO at Siya ay makakasama nila hanggang sa wakas ng panahon. Nanaog ang ESPIRITU SANTO sa lupa at isinilang ang Simbahan na nagsimula sa Jerusalem, Antioquia, Alexandria, Constantinopla, Roma, Gresya, Moskow hanggang sa makarating ang pananampalatayang Kristyanismo dito sa ating bansa. Nakasaad sa Banal na Kasulatan na sinabi ng Diyos: "sa huling panahon ay ibubuhos ko ang Aking Espiritu sa lahat ng laman". Sa ikatlong kaganapan ng Diyos, Siya'y ESPIRITU, walang laman at walang buto. Kaya't kinailangan Niya ng Tsang "Tahanan" o "Luklukan" upang magawa Niya ang Kanyang Kaganapan at maipahayag Niya ang Kanyang mensahe sa tao (Jer 31:31-32).

At natagpuan Niya ang isang matibay at matiising Esposa sa dulong Silangan nq Asya, sa bansang tinaguriang "Perlas ng Silangan", ang Pilipinas na bansa ng pananalangin (Mt 21:43, Is 25:14-15). Nagpatawag ang Espiritu Santo sa abang pangalan na "INGKONG" (Rev 3:12-13), isang salitang Pilipino na ang kahuluga'y ninuno ng lahat ng angkan o siyang pinagmulan ng lahat. Kung ating pag-aaralan, ang Pangalang "INGKONG" na ginagamit ng ESPIRITU SANTO ngayon ay katumbas ng salitang "AKO AY AKO NGA" na Siyang Simula at Wakas. Ayon sa Kanyang mensahe, Siya'y isang matandang pulubi na namamalimos ng mga kasalanan ng tao upang muling makapagbagong-buhay. Tinawag Siyang MAHAL NA INGKONG bilang paggalang at pagsamba sa Kanya.

Nagsimula ang kaganapan ng MAHAL NA INGKONG sa Patriyarka ng Simbahan, ang Kanyang Kabanalan, Dr. +John Florentine, P.P. noong siya'y seminarista pa lamang sa San Jose Major Seminary, Ateneo de Manila University, Katipunan, Quezon City. Noon ay mga alas singko y medya ng umaga nang isang tila matandang ermitanyo ang Iumapit sa kanya at nagsabing "Anak, maari mo ba akong tulungan?", Sumagot naman ang seminaristang si John, "kung ang hinihingi po ninyong tulong ay para sa ikaliligtas ng sangkatauhan, gawin po ninyo sa akin ang nararapat". Pagkatapos nito'y biglang nagbagong-anyo ang matanda at naging Panginoong Jesukristo ng buong-buo. Natagpuan na lamang ni John ang sarili na nakaluhod, luhaan at nakayakap sa tuhod ng Panginoon na noo'y nakita niya ang mga paa na hindi na nakalapat sa lupa. Sinabi sa kanyang itaas niya ang kanyang paningin upang malaman at makilala niya kung sino talaga ang kaharap niya. Sumunod siya, tumindig at siya'y napasigaw ng malakas, "Panginoon ko at Diyos ko". Inutusan siyang tumayo at sinabihang makinig na mabuti: "Mapalad ka, anak, sapagkat umabot ka sa huling patak ng aking dugo sa kalbaryo". Sa gayo'y itinaas ng Panginoong Jesukristo ang Kanyang Kanang Kamay sa langit habang ang kaliwa nama'y nasa balikat ni John at sinabing "Ama, sa lyo Ko inihahabilin ang kanyang kaluluwa". Nang magkagayo'y napakita sa langit ang isang matandang lalaking mahaba ang balbas at iniunat ang kanang kamay sa ulo ni John. Nagpatuloy sa pangungusap ang Panginoong Jesukristo kay John: "mula sa iyo at sa lahi mo, ang Bagong Jerusalem ay matatatag at ang Ikationg Tipan ay masusulat". Nagpakilala sa kanya ang Panginoon hindi bilang Panginoong Jesukristo kundi bilang INGKONG. Mula noon, sa loob ng isang taon at kalahati, maraming mga baggy na hindi pangkaraniwan ang nagaganap sa seminaristang si John. Sa pamamagitan ng "trance" siya ay nakapanggagamot, nangangaral at nagbebendisyon at nararanasan niyang dalhin siya sa iba't-ibang lugar upang magmisyon. Pagkatapos ng "trance", makikita na lamang niya ang sarili na nasa ibang lugar na. Sa mga panahong nauuwi ang seminaristang si John sa kanilang tahanan, habang ito'y natutulog, ginagamit ng MAHAL NA INGKONG ang kanyang katawan at kinakausap ang kanyang in Nangyari ito ng makaikatlong beses. Aniya, "Maria Virginia, sa takdang panahon, ikaw ay hihirangin ko at gagamiting Luklukan". Sa tatlong panawagang ito ng MAHAL NA INGKONG, umiiyak at nakikiusap na sumagot si Sis. Maria Virginia, "huwag po, marami akong anak, hindi po ako karapat-dapat, makasalanan po ako, may higit na banal sa akin. Nandiyan ang mga pari at mga madre. Marami po akong anak na dapat gabayan. Papaano na po ang arcing kabuhayan?" Sa lahat ng tugon na ito'y iisa lamang ang sagot ng Panginoon, "Kalooban Ko ang masusunod".

Bago tuluyang ilunsad ang "cursillo" sa bansa, sa utos ng Kanyang Kabunyian, Rufino Cardinal Santos, D.D., sinubok muna ito sa mga may potensyal na lider kabataan, sa mga opisyales ng Student Catholic Action (SCA) mula sa iba't-ibang pamantasan at kolehiyo ng Maynila. Sa loob ng paklaseng ito, dito nagpasya si John na paglabas niya ng "DIASPORA" class na iyon bilang pasasalamat sa Diyos sa lahat ng biyaya Niya, ay magpapari siya't papasok sa seminaryo. Dahil dito, napagpasyahang tagumpay ang paklase at ito’y nagbigay ng daan sa cursillo dito sa Pilipinas.

Nang ilunsad ang cursillo sa "Pilipinas, isa si Sis Viring sa mga naging aktibo sa kilusang ito. Pagkatapos niyang tanggapin ang katibayan ng pagtatapos sa "Carmel", Angeles City, siya ay nangalap ng mga kaibigan at kamag-anak upang sumapi sa cursillo at magkaroon ng bagong sigla sa "bagong-buhay" kristiyano.

Noong mga huling buwan ng taong 1970, naitalaga si Sis Viring na maging rektora sa Tsang "cursillo class" na pambabae sa Tipas, Taguig, Rizal doon sa "dambanang kawayan" na ang kura paroko ay si Rev. Fr. Ben Villote. Bago niya ibigay ang kanyang panayam bilang rektora ng paklaseng yaon, lumuhod siya sa harap ng tabernakulo at pagtayo niya't pagharap sa buong klase ay nakita siya na balot ng maputing ulap at siya'y iniangat hanggang kapantay ng tabernakulo. Idinipa niya ang kanyang kamay at hindi na si Sis. Viring ang kanilang nakita kundi ang Panginoong Jesukristo na duguan. Naghiyawan, iyakan ang mga tao sa pag-aakalang katapusan na ng mundo sapagkat nakita nila ang mukha ng Panginoong Jesukristo. Pagkatapos nito'y bumagsak siya at nang siya'y magkamalay nakita niyang dinadaluhan siya ng mga tao at nakita niya na may bahid dugo ang kanyang damit at katawan. Tinanong niya ang mga naroroon kung anong nangyari at sinabi nila sa kanya na nakita nila ang Panginoong Jesukristo sa katauhan niya. Magmula noon ay hindi na nakapagtrabaho si Sis. Viring sapagkat lagi ng sumasakanya ang Mahal na Ingkong at naglilingkod sa tao. Kapag tinatanong si Sis. Viring tungkol sa ganitong pangyayari ay sinasabi niyang wala siyang namamalayan sa mga nangyayari. Sinasabi niyang para siyang nananaginip, dinadala siya sa langit at inaatasang gumawa ng Tsang malaking misyon sa daigdig.

Nagsimulang gumanap ang MAHAL NA INGKONG sa pamamagitan ng Kanyang Banal na Luklukan, Santa Maria Virginia sa Old Sacrifice Valley at doo'y nagtayo sila ng isang maliit na kapilya. Maraming napagaling at napagbago ang MAHAL NA INGKONG at dumami ang mga sumasampalataya. Nagsimula ang "pagtatatak" ng MAHAL NA INGKONG. Bawat taong nagsisisi at nagnanais na magpatatak ay tinatatakan ng MAHAL NA INGKONG sa noo ng krus, ng tatak kabanalan sa pamamagitan ng tubig, apoy at espiritu (Mt 3:11). Pinagkakalooban ang bawat isa ng banal na tatak (Eph 1:13, Eph 4:30), mga angelito at angelita sa mga bata, serafines at querubines sa mga kabataang lalaki, hijas de Maria sa mga kabataang babae at mga santo at santa sa mga sumasapit sa edad na dalawampu (20) pataas na tinatawag na mga "Apo" na ang kahulugan ay luklukan ng mga banal. Nagsimula ang kaganapan ng MAHAL NA INGKONG sa araw ng biyernes, sa ganap na ika-anim ng gabi. Ginaganap sa oras na ito ang "ultreya", kasunod nito'y ang Banal na Misa at banal na pag-aaral. Itinuturo ang mga aral ng Mahal na Ingkong, mga mensahe ng Mahal na Birheng Maria at ng mga tungkulin ng lahat ng tinatakan ng MAHAL NA INGKONG.. Sa ikaanim ng umaga, tuwing sabado, ay gumaganap naman ang mga Auxiliaries na binubuo ng mga Querubines, Serafines, Hijas de Maria, Angelito at Angelita. Sa ganap na ala-una ng hapon ay ipinagdiriwang ang Banal na Misa at sa ganap na ikaapat ng hapon ay gumaganap ang MAHAL NA INGKONG. Dumarating din ang Mahal na Inang Birheng Maria at ginagamit din ang Banal na Luklukan lalo't higit sa Kanyang kaarawan at mga kapistahan upang maipahayag ang Kanyang mga mensahe. Ipinapahayag ng MAHAL NA INGKONG at MAHAL NA INANG BIRHENG MARIA ang tunay na daan patungo sa Diyos. Itinuturo ang tunay na kaayusan sa pagsamba sa Diyos. Ang babae ay hindi maaring manamit ng damit panlalaki gayundin naman ang mga lalaki na hindi maaring manamit ng damit pambabae sapagkat sinumang gumagawa nito ay hindi kaaya-aya sa paningin ng Diyos (Deut 22:5). Ang babae namang nananalangin o nagpapahayag ng salita ng Diyos nang walang takip ang ulo ay nagdudulot ng kahihiyan sa nakakasakop sa kanya — siya'y parang babaing ahit ang ulo. Kung ayaw magtalukbong ang isang babae, magpaahit na siya ng buhok (1 Cor 11:5-6).

Ipinahahayag ng Mahal na Ina na nagdurugo ang puso Niya sa nakikita Niyang kasuotan ng kababaihan na hindi kaaya-aya sa paningin ng Diyos katulad ng pagsusuot ng t-shirt, pantalon, "sleeveless, miniskirt" at iba pang kasuotang hindi disente o marangal. Ninanais ng Mahal na Ina lalo't higit sa Santa Misa na magsuot ng tamang kasutoan ang kababaihan at magbelo upang maputol na ang mga nangyayaring kaguluhan at kalamidad sa ating bansa.

Sa ngayon, bagama't sumakabilang buhay na Banal na Luklukan na si Santa Maria Virginia ay patuloy pa ring gumaganap ang Mahla na Ingkong sa katauhan ng Kanyang ginagamit na kasangkapan na si Dr. + Juan Florentine L. Teruel, P.P.

Marami ng nakakaalam ng kaganapan ng MAHAL NA INGKONG. Ito ay lumalaganap na hanggang sa ibang bansa: America, California, Canada, Australia, Hongkong, Japan, United Kingdom, Middle East at iba pa. Doo'y marami nang mga tinatakan ang "MAHAL NA INGKONG" na nagpapalaganap ng 'Block Rosary" at ng Kanyang kaganapan.

APOSTOLIC CATHOLIC CHURCH

Ang Apostolic Catholic Church (ACC) ay isang Katolikong Simbahan na laganap na sa maraming panig ng mundo. Ito ay natatag sa kapangyarihan ng Diyos Espiritu Santo, na nagpatawag sa abang Pilipinong pangalang Mahal na Ingkong, sa pamamagitan ni Patriyarka, +Juan Florentino L. Teruel, P.P.

Ito ay itinatag noong ika-13 ng Hulyo taong 1991, at itinala sa Pilipinas sa tanggapan ng Securities and Exchange Commission bilang ANO-002797 noong ika-7 ng Hulyo 1992 sa Kanyang eklesyastikong lugar ng Barangay Sacrifice Valley, Hermosa, Bataan. Ito ay itinakda ng Pamahalaang Panlalawigan ng Bataan bilang Pilgrimage Capital, at ngayon ay ganap nang kasapi ng National Council of Churches in the Philippines (NCCP).

Ang Apostolic Catholic Church ay isang ganap na Katolikong Simbahan sa kapangyarihan ng Mahal na Ingkong, ang Diyos Espiritu Santo na sa Pilipinas ay gumaganap buhat pa noong dekada 70 (mayroong kinakasangkapang luklukan). Natupad sa Apostolic Catholic Church ang bahagi sa Kredo ng mga Apostol, na ang nakasaad ay ganito: "Sumasampalataya ako, sa Diyos Espiritu Santo, na May Santa Iglesia Katolika..." Ang Espiritu Santong ito na sinasabing nagtatag ng simbahan noong araw ng Pentecostes at nagpakilala sa Kanyang Simbahan bilang "One, Holy, Apostolic, and Catholic Church" subalit noong taong 1054 dulot ng pagkakaroon ng ilang pagbabago sa doktrina ng Simbahan, itong dating iisang Simbahan ay nahati sa dalawa bilang Roman Catholic Church (Western Church) at Orthodox Church (Eastern Churches). Ito ang panahon na sinabi ng kasaysayan bilang "Great Schism".

Ang Kredo ng mga Apostol na binuo ng mga Alagad sa inspirasyon ng Diyos Espiritu Santo, ang Mahal na Ingkong, ay sinasabi sa mga huling bahagi ang ganito: 'Na sumasampalataya ako, sa Diyos Espiritu Santo, ang Mahal na Ingkong , ay sinasabi sa mga huling bahagi ang ganito: "Na sumasampalataya ako, sa Diyos Espiritu Santo,na may kasamahan ng mga Banal..." Ito ay nangyayari sa Apostolic Catholic Church sa pagbibinyag ng Mahal na Ingkong, kung saan ay tinutupad Niya ang sinasabi sa panalanging itinuro sa atin ng Panginoon, na ganito: "Ama naming nasa langit, sambahin ang pangalan Mo, mapasaamin ang kaharian Mo"... Ang mga nakatira sa kaharian ng Diyos ay mga Banal na Espiritu gaya ng mga Santo at Santa, mga anghel tulad ng mga Kerubin, Serapines, Hijas de Maria at mga Arkanghel, na sa Kanyang pagbibinyag ay ibinubuhos Niya ang mga Espiritung ito sa mga tao upang mangyari ang sinasabi ni Propeta Joel "na darating ang panahon na ibubuhos ng Diyos sa mga laman ang mga espiritu" (J1 2:28) at sa mga dakilang araw na ito ay "magsasama ang mga taga langit at mga taga lupa" (Ef 1:10).

Sa nasabing Kredo ng mga Apostol, magpahanggang ngayon ay ipinapahayag ang pananalig sa Diyos Espiritu Santo, na ganito: "Na sumasampalataya ako, sa Diyos Espiritu Santo, sa kapatawaran ng mga kasalanan at sa buhay na walang hanggan..." na pinapatayo ng Mahal na Ingkong ang sinumang tao na bagama't nais nang magpabinyag o magpatatak subalit kung sa kanilang puso ay Kanyang nakikita ang kawalan ng kanilang wagas na pagsisisi at ng Sakramento ng Simbahang Katoliko. Sapagkat sa Kanya ay walang nalilihim, maging ang bilang man ng ating mga buhok.

Tanging ang Apostolic Catholic Church ang simbahang Katoliko na nagpapalaganap at nagtuturo ng mga gawain at aral ng Espiritu Santo ang Mahal na Ingkong sa ating henerasyon. Maraming mga tanda sa simbahan na naka-ugat sa mga lumang tradisyon ang Kanyang ipinapalaganap.

Ang Ilan sa mga ito ay ang mga sumusunod:

1. Dalawa ang Kanyang Krus•na sumasagisag sa simbahan ng Romano at Orthodox, na sa gitna ay mayroong puting kalapati. Ang kanyang misyon ay upang tupdin ang dakilang hangarin ng Mahal na Ingkong na Sila'y pag-isahin at ang lahat ng mga humiwalay sa Iisa, Banal, Apostolika at Katolikang Simbahan bilang iisang kawan na naglilingkod sa iisang Diyos.

2. Madaling makilala ang Kanyang mga kasapian sa kanilang puting sutanang kasuotan; sa babae ay nakabelo at sa mga lalake ay naka-"hood" at lahat sila'y nakakuwintas ng Krus na ang Kristo ay muling nabuhay.

3. Kung sila ay magsimba, magkahiwalay ang babae at lalake, walang upuan at panyapak, at kung tumanggap ng Banal na Komunyon ay nakaluhod at sa pamamagitan ng dila lamang.

4. Ang Santo Rosaryo sa kanila ay palagiang banal na gawain sapagkat araw-araw ito ay kanilang sinasambit sa mga Block Rosaries ng mga komunidad. Higit dito, ang mga misteryo ng Diyos sa Banal na Rosaryo ni Mariang Mahal, ay kanilang isinasabuhay sa kanilang pamumuhay. Kung paano mayroong napakalaking puwang si Maria sa kanilang puso at isip.

5. Ang kanilang kapatirang bati ay `Ave Maria Purissima" na sinasagot naman ng "CinPicado Con Su Vida", na ang kahulugan ay "0, Mariang walang bahid dungis, Ikaw na nabubuhay ng walang kasalanan, ipanalangin Mo kaming makasalanan".

6. Malayo sila sa mga bisyo at sa mga ipinagbabawal ng simbahan.

7. Pito rin ang bilang ng Kanilang Sakramento. Ito ay ang Binyag, Matrimonyo, Kumpil, Eukaristiya, Santo Oleo, Kumpisal, at Banal na Orden.

8. At ang kanilang ginagamit na pagpapahayag ng pananampalataya ay ang Niceno Kredo.

Ang herarkiya at edukasyon ng mga kaparian ng Apostolic Catholic Church ay mula sa pamumuno ng kanilang Patriyarkang tagapagtatag, katuwang ng simbahan ay ang Matriyarka, ang Banal na Luklukan ng Mahal na Ingkong. Sumusunod sa Kanya ang Arsobispo nanamamahala sa Kalipunan ng mga Obispo. Susunod ay ang mga katuwang na Obispo o mga Monsinyores at sinusundan ng mga Kaparian at Diyakono.

Sa katuparan at pagsasanay ng Simbahan, ang St. John the Baptist Seminary, na matatagpuan sa Barangay Sacrifice Valley, Hermosa, Bataan, ang siyang naghuhubog sa mga kalalakihang nagnanais na maging Pari sa tawag ng Mahal na Ingkong. Sa kanilang pagiging Pari, sila ay napapasailalim sa kongregasyon ng Order of Missionaries of the Holy Spirit kung saan sila ay binubuo ng dalawang uri: ang mga Paring may asawa at mga Paring binata o celibate subalit taglay ang mga sumpa o panata (vows) ng Kalinisan, Karukhaan, Kasunuran at Pagtanggap. Ngunit ang Kanyang mga Madre ay natatangi at sadyang mga kadalagahan lamang. Bagama'tmaroon Ilan kababaihan na may asawa ang kasapi sa Third Order, ng Order of the Missionaries of the Holy Spirit (OMHS).

Ang Apostolic Catholic Church ay mayroong dalawang uri ng kasapi. Ang isa ay ang mga Binasbasan ng Mahal na Ingkong (Bininyagan sa tubig, apoy at espiritu) ay tinatawag na "Full Pledge Member", at ang isa ay ang mga hindi pa Basbasan ngunit tumanggap ng Sakramentong binyag ng Simbahan. Tinatawag Ito na "Associate Member".

Ang mga pangunahing tungkulin ng bawat kasapi ay ang mga sumusunod:

1. Ang buong alab na maipalaganap ang paghahari ng Mahal na Ingkong bilang Diyos Espiritu Santo sa ating panahon.

2. Maging banal ang kanilang pamumuhay sa biyaya ng mga panalangin at paglilingkod para sa higit na ikaluluwalhati ng Diyos tulad ng pagsasabuhay sa mga Sakramento at ng palagiang pagdalo sa mga gawain ng Mahal na Ingkong sa Banal na Lupa.

3. Maging matulungin sa pamamagitan ng kawang-gawa, paglilimos tulad ng ikapu at mga abuloy.

4. Palaging magkaroon ng mabuting asal at malayo sa mga bisyo at bawal na gawain.

5. Maging masinop sa mga bunga ng pagsisikap at tiyaga.

6. Maging laging determinado sa mga pangarap sa buhay ng may kasiyahan sa lahat ng mukha ng pagsubok kapag ito ay dumarating, at

7. Maging palaging bukas at responsable sa mga tungkulin at pananagutan na naka-atang sa kanilang sarili.

Ang misyon ng Apostolic Catholic Church ay laganap na sa maraming bansa. Ang bawat lugar ng kaganapan ng Apostolic Catholic Church ay mayroong nakatakdang Obispong tagapangasiwa. Kasama niya rito ang kanyang mga katuwang na Obispo at mga kaparian na namamahala sa mga Laykong aktibo sa pakikibahagi ng tungkuling mamuno sa lahat ng gawaing Simbahan at komunidad. Ang bawat bansa ay mayroong tinatawag na Rehiyon o Diyosesis at Distrito para sa mga Basbasan at mga Pastoral na tagapamahala sa bawat parokya.

Sa kasalukuyan ang National Shrine of Ina Poon Bato ang pinakasentro ng Simbahan ng Apostolic Catholic Church at ito ay matatagpuan sa 1003 EDSA, Veterans Village, Project 7, Quezon City, Phils.

KASAYSAYAN NG INA POON BATO

Sa isang malayong lugar ng Botolan, Zambales, ng Bansang Pilipinas. Sa kabundukan nito ay may tribung nakatira ng mas kilala sa tawag na “aeta”. Sila ay pinamumunuan ni Djadig dahil sa natatangi at may pambihirang galing nito sa pangangaso at wala pang nakakatalo sa kanyang galing sa pagsibat, pamamana at bilis nitong tumakbo at kahit wala siyang dalang sandata ay nakakahuli siya ng mailap na usa. Minsan sa paglalakbay ni Djadig kasama ang tatlo niyang anak sila ay tumigil sa isang ilog na kung tawagin ay Pastac ng may biglang hindi maipaliwanag na liwanag at may narinig syang napaka-ganda at makalangit na tinig na sumasabay sa hangin na nagsasabing, “Tumayo ka, Djadig. Hanapin mo ako. Puntahan at isama mo ako sa iyong pag-uwi.”

Ang tinig ay nang-gagaling sa tuktok ng napakataas na bato, mula doon sa kinaroroonan ni Djadig, mag-isa syang pumunta sa tuktok ng bato at nakita nya ang napaka-gandang babae na nagliliwanag at ang damit ng babae ay parang kumikintab ng ginto. Ang kanyang buhok ay katulad ng liwanag ng araw sa kinang nito, at ng mga mata nito ay tunay na maamo at dahilan para mapansin ni Djadig na ito ay parang nagmamakaawa. Si Djadig ay hinihila ng natatanging pagmamahal nito sa Diyos at para siyang minamagneto para mapalapit sa babae, kung kaya’t ipinikit at minulat muli ni Djadig ang kanyang mga mata para masigurong hindi siya nananaginip o namamalik mata. Nang siya’y lumapit, nakita nya ang isang bagay na ito, ang napaka-gandang babaeng kanyang nakita kanina ay isa palang imahen na inukit sa kahoy na may kumikinang na ginto.

"Isama mo ako sa iyong pag-uwi," ang napakaganda at makalangit na tinig ay nagwika muli na nag-uutos, at walang anu-ano ay sinunud nga ni Djadig ang pinag-uutos nito. Nang nakauwi na si Djadig, ay agad niyang isinalaysay sa kanyang asawa anf lahat ng kanyang karanasan. Ang kanyang asawa ay hindi naniwala sa kanyang misteryosong kuwento. Bagkus, nagalit ito dahil sa hindi nakapangangaso si Djadig, kinuha niya ang imaheng kahoy at tinuring na walang saysay o walang gamit kung kaya’t itinapon ito dahil galit sa kanilang nag-aapoy na lutuang bato para sunugin, nang biglang lumakas at tumaas ang apoy hangang sa kisame ng kanilang lutuan na nagging dahilan para masunog ang maliit na bahay ni Djadig humingi sila ng tulong pero bago dumating ang tulong ay nagmistulang abo na bahay nito. “Sandali tingnan ninyo!” Umiiyak ang mga bata ng nakitang may kumikinang na liwanag sa pira-pirasong kawayan, “Ang nagliliwanag na imahen ay hindi nasunog.” Totoo nga. Nakita nila na walang kagalusgalos o sunog ang Imaheng kahoy at ito’y kumikinang na parang ginto. Bilang kabayaran, ay nag-bigay sila ng galang, respeto at mataas na papuri’t pagmamahal sa Imahen. Ang mga aeta o negrito ay ibinalik ang Sagradong Imahen kung saan ito natagpuan at na diskubre ni Djadig.

Maraming taon ang nag-daan, at ang unang mga taga Europa ay tumuntong sa lupa ng Pilipinas. Nang sakupin nila ang Pilipinas, ipinakilala ng mga ito ang kristianismo, ngunit sila ay nabigla ng ipakita ng mga eta o mga negrito ang Imahen ng Birhen Maria, sila ay natuwa at nagbigay ng malaking parangal sa nakita nilang replika ng sarili nilang patrona ang babaing kanilang tagapag-adya, ang “Ina Poon Bato”.

Ang Barrio ng Ina Poon Bato na kung saan nagsimula ang pamimintuho ng mga katutubo sa Mahal na Ina ay nasira mula noong magsimulang sumabog ang Bulkang Pinatubo. Ang Imahen ay nailigtas at ito ay idinambana at matatagpuan sa Bunga, Botolan, Zambales na kung saan ay ipinagdiriwang ang kanyang kapistahan.

Sa ngayon ang Apostolic Catholic Church ay pinipintakasi ang Mahal na INA POON BATO at itinuturing at tinanghal na patrona ng Simbahan na matatagpuan sa EDSA Proj. 7 Quezon City.

BIRHEN NG BUNDOK NG CARMELO

OUR LADY OF MT. CARMEL

Hulyo 16, ipinagdiriwang ng buong sangka-Kristiyanuhan ang Dakilang Kapistahan ni Maria sa Kanyang titulong Birhen ng Bundok ng Carmelo (kilala din sa taguring Birhen ng Del Carmel o Del Carmelo o Del Carmen).

Sa araw ding ito ay ginugunita ang pag-aabot o pagtatagubilin ng Iskapularyong Kayumanggi (Brown Scapular) ng Mahal na Ina kay San Simon Stock. Si San Simon Stock ay isang Carmelite gaya din nila Santa Teresa ng Batang Hesus (St. Therese of the Child Jesus), San Juan dela Cruz (St. John of the Cross) at Santa Teresa ng Avila (St. Teresa of Avila).

Sang-ayon sa Tradisyon, nagpakita ang Mahal na Birhen kay San Simon Stock sa Cambridge, Inglatera noong Huly 16, 1251. Bilang tugon sa panambitan ng butihing santo para sa kanyang orden, nagpakita ang Mahal na Birhen sa kanya habang hawak sa kamay ang isang kayumangging iskapularyo at ang wika: Kunin mo, mahal kong anak, ang iskapularyong ito ng iyong orden tanda (badge) ng aking pakikipagkaisa sa iyo at sa lahat ng Carmelite at bilang natatanging tanda din ng biyaya. Ang sinumang papanaw na suot ito, ay hindi maghihirap sa walang hanggang apoy. Ito ay tanda ng kaligtasan sa lahat ng mga panganib, pangako ng kapayapaan at pakikipagtipan.”

Lumaganap ang tradisyon na ito simula noong 1642, matapos mailathala ang mensahe ng Mahal na Birhen sa pamamagitan ng isang circular ni San Simon Stock na sinasabing kanyang nabanggit kay Peter Boyle, kanyang kalihim at kompesor.

Sa pamamagitan ng paglalahad na ito ni San Simon Stock hinggil sa mga pananalita ng Mahal na Birhen, naunawaan ng sanlibutan ang dalawang katotohanan:

• Mayroong natatanging pagsanggalang ang Mahal na Birhen para sa lahat ng kasapi ng orden ng Carmelite, at ang pagsanggalang na ito ay sumasakop maging doon sa mga nagsusuot ng abito ng mga Carmelite;

• Mayroong natatanging tulong na laan, lalung-lalo sa panahon ng kamatayan, para sa mga nagsusuot ng abito sa karangalan ng Mahal na Birhen laban sa mga pasakit ng impiyerno. Parehong tulong ang nakalaan sa mga magsusuot ng iskapularyo sa karangalan ng Ina ng Diyos na tanda din ng pakikiisa sa Orden ng mga Carmelite.


Ang Bundok Carmelo (Mount Carmel) ay isang bulubunduking matatagpuan sa Hilagang Israel. Nalalatagan nito ang mga lupain sa gilid ng dalampasigan ng Dagat Mediterreneo at itinuturing din ang lugar na ito na UNESCO Biosphere Reserve. Lumalatag din ang sakop ng bulubunduking Carmelo sa Haifa, ang ikatlong pinakamalaking lungsod ng bansang Israel.

ACC CIRCULAR 2009-2

ACC 4 SEASON STOLE FOR PRIEST

OFFICIAL CROSS OF ACC CLERGIES

OFFICIAL ALB OF ACC CLERGIES

CIRCULAR 2009-02: ACC-OMHS MEMBERS (CLERGIES & SISTERS)
RE: GROSS VIOLATIONS OF ACC TENETS LEADING TO SUSPENSION AND/OR TERMINATION, POSSIBLY, EX-COMMUNICATION

LET THIS CIRCULAR INFORM/REMIND ALL ACC-OMHS MEMBERS THAT YOU HAVE EVANGELICAL VOWS TO UPHOLD, TO BE GUIDED WITH AND TO OBEY AT ALL TIMES. THE SAID VOWS ARE OBEDIENCE, CHASTITY, POVERTY AND ACCEPTANCE. THE HEIRARCHY OF ECCLESIASTICAL POSTS IN THE ACC-OMHS SHOULD STRICTLY BE HONORED, OBSERVED AND FOLLOWED. HOWEVER, THE FINAL DECISIONS, MANDATES AND TENETS EMANATE SOLELY FROM THE PATRIARCH (DR JOHN FLORENTINE L TERUEL, PP, PhD) LEST YOU MAY COMMIT GROSS VIOLATIONS THAT MAY RESULT TO SUSPENSION, AND/OR TERMINATION WITH/WITHOUT EX-COMMUNICATION.

THE NERVE OF SOME ARCHBISHOPS, IF NOT ALL, TO MAKE MISTAKES THAT LEAD TO COMMISSION OF SACRILEGES, PROMPTING THEIR CLERGIES TO PERFORM AND THEIR CONSTITUENTS TO RECEIVE INVALID SACRAMENTS, IS TRULY ALARMING AND WILL NOT BE TOLERATED AT ALL. VIOLATIONS PRIOR TO THIS CIRCULAR 2009-02, ARE DISPENSED AND FORGIVEN, BUT, TRULY PLACED THE PATRIARCH’S HEALTH, PEACE AND POSITION IN JEOPARDY. THIS MADE BELOVED INGKONG ANGRY AND ALLOWED THE PATRIARCH TO DECIDE TO REMOVE FROM POSTS AND/ OR DISPENSE THE SAID ARCHBISHOPS. THEIR GROSS VIOLATIONS ARE SUMMARIZED AS FOLLOW:

1. BEING INDIFFERENT TO THE MANDATE OF BELOVED INGKONG AND THE CHURCH’S PROVISIONS: PROSPERITY GOSPEL THROUGH WELLNESS PROGRAMS LEADING TO “TITHING PERFORMANCE” WHICH IS THE KEY TO BELOVED INGKONG’S DISPENSING GRACES, EVEN MATERIAL BLESSINGS. SOME PEOPLE OF POWER ARE USING THEIR POST TO ANTAGONIZE BELOVED INGKONG’S ADVOCACY AND ASSERT THEIR POWER BY LORDING OVER THEIR CONSTITUENTS: MAKING FUN OF THEM, BEING IMPOLITE AND MAKING “FAVORITISM,” TO THE DISMAY OF SEVERAL PEOPLE. AVOID FORMING PRIVATE ARMY CLERGIES AND ‘APOS’ (CLICHÉ) WHO OFFER EXTRA LOYALTY AND SERVICE. FORNICATION IS EVIL. DO NOT LIE. DO NOT CORRUPT EACH OTHER.

2. UNAUTHORIZED USAGE OF SACRAMENTALS, SUCH AS,:
A. UNSIGNED ANTIMENTION – EACH OMHS-ACC CLERGY HAS A PERSONALIZED ANTIMENTION THAT SERVES AS “CORPORAL” WITH HIS PRINTED NAME AND DULY SIGNED BY THE PATRIARCH. ITS BACK IS COLOR CODED: PRIEST – WHITE, AUXILIARY BISHOP – RED, BISHOP – PINK, ARCHBISHOP – PURPLE, AND PATRIARCH – GOLD. EACH CHAPEL SHOULD ALSO HAVE AN ANTIMENTION UNDER ITS NAME, SIGNED BY THE PATRIARCH AND HAS GOLD BACKGROUND. IT IS STATIONED IN THE CHAPEL ITSELF WHICH CAN BE USED TOGETHER WITH THE ANTIMENTION OF THE CLERGY. ANTIMENTION WITHOUT THE PATRIARCH’S SIGNATURE IS CONSIDERED STOLEN AND UNHOLY.

B. ROMAN CATHOLIC CHAUSABLE AND STOLE – EACH OMHS-ACC CLERGY HAS COLOR CODED CHAUSABLE AND STOLES: PRIEST – CHAUSABLE SIMPLY WHITE AND WHITE ONLY AND OUTWARD STOLES WITH ACC- OMHS MARKING (NOT OMSH); AUXILIARY BISHOP – METALLIC SILVER CHAUSABLE WITH CENTER STOLES AND RED SKULLCAP; BISHOP – METALLIC SILVER CHAUSABLE WITH CENTER STOLES AND PINK SKULLCAP; ARCHBISHOP – METALLIC LIGHT YELLOW GOLD CHAUSABLE WITH CENTER STOLES AND PURPLE SKULLCAP. LET US NOT PRETEND AND FOOL PEOPLE OF WHAT WE ARE NOT BY USING UNAUTHORIZED SACRAMENTALS AND ACCESSORIES, SUCH AS, SOLID COLORED CHAUSABLE AND “OMSH” STOLES, MANIPLES, CENTRAL CROSS AND CORPORAL CROSSES. ONLY THE ARCHBISHOPS ARE ALLOWED TO USE ANY KIND OF CORPORAL CROSS DURING MASS. THE REST OF THE CLERGIES, USE THE BIG, STAINLESS RESURRECTED CROSSES WITH ACC- OMHS MARKING. IN EVERYDAY ACTIVITY, ALL SHOULD USE THE BIG, STAINLESS RESURRECTED CROSSES WITH ACC-OMHS MARKING.

C. MASS WINE – ACC-OMHS PRIDES ITSELF WITH ITS OWN OFFICIAL PONTIFICAL MASS WINE WHICH IS IMPORTED FROM SPAIN HAVING THE PICTURE OF THE PATRIARCH. THE SAID MASS WINE IS SIMILAR TO THE ROMAN CATHOLIC CHURCH’S ONLY HAVING THE ANIME PHOTO OF THE POPE. USAGE OF OTHER WINE IS NOT PERMITTED. IT WILL MAKE THE ACC MASS INVALID AND SACRILEGIOUS.

D. RELIGIOUS LEAFLETS, NOVENAS AND ROSARY – EXCEPT THE LITURGY OF THE HOUR BOOK, THE ABOVE MENTIONED SACRAMENTALS (READING LEAFLETS) SHOULD HAVE THE PATRIARCH’S NAME IN THE IMPRIMATUR AND APPROVAL.

THIS CIRCULAR IS TO BE DISSIMINATED TO ALL CLERGIES AND SHOULD BE UNDERSTOOD AND FOLLOWED TO THE LETTER BY EACH ONE CONCERNED. NEVERTHELESS, ALL ACC MEMBERS (SEALED SERVANTS) ARE ASKED TO BE GUIDED AND PROTECTED BY THE CIRCULAR ACCORDINGLY.

MAY THE NAME OF BELOVED INGKONG BE HONORED AND PRAISED, NOW AND FOREVER.

PRO DEO, ECCLESIA ET GREGE,
DR JOHN FLORENTINE L TERUEL, PP, PhD
PATRIARCH AND FOUNDING BISHOP